Monday, September 7, 2009

Најубаво кафе во Скопје?

Скопјани се одлучија за Cafe di Roma.
Кафичот е на ул. Македонија (или Маршал Тито, кој како милува) карши Дом на АРМ.
И озбилни се коа се работи за кафе :) За некои кафиња, цените се нешто повисоки, ама верувајте дека вреди, ако сте обожаватели на добро кафе. Башка еден дијапазон на кремови, додатоци и свашта... Ах...

Lee, на Млечен беше спомнато неколку пати исто... Мислам дека ќе се согласите дека кафето зависи од смената? :) Во секој случај, ако го погодите кафе-куварот, во Ли ќе добиете добро кафе.

Сепак, идејата ми беше да добијам неочекувани места... Како на пример „најубавото Макијато за 40 денари во Чаршија, одма до Темов“ или „Верувале или не, пицерија Енрико“ или „Кај Сале у кафич, горе у СП Маркет“...

Јас мислам дека вреди да се провери Арапското кафе во арапскиот („Аладин“). Го служат мерачки, со локум или нешто друго слатко...

Море, ми текна... изгледа не прават Турско во „Мајка ти и Татко ти“ али, богами, кога ќе нарачаш Еспресо добиваш СЛАТКО ОД СМОКВИ!!!! :) Алал да им е. Башка, на миљенце го пиеш кафето. Мф.

Некој се сети на „Бас“ во Капиштец... добро кафе, да. Одамна, ама.
Се разбира, Скопје е модерен град. И мија имаме Кофишоп Компани. Супер ни е кафето таму, да да, како во Виена да си. И што фино го сервираат. Со убави лажички. Нека си ги пазат лажичките :))))))

Секако, не беше фер што ја исклучив „домата“ како добро место за кафе :)
Домата е секогаш добро место за кафе, точка. Затоа што можеш да си го направиш по ќеиф, да се завалиш во фотеља, па да уживаш во мирисот додека да се олади, па после да уживаш во вкусот...
... ви текнува кога се мелеше по гранапчиња на лице место... како мирисаше? :)

Од секоаш сме имале мерак за добро кафе...



Ајде, оди, напрај си едно. На здравје нека ти е :)

3 comments:

  1. Cafe di Roma и кафињата и тие сорбетата. Coffeeshop со мафинче. Обично illy сакам појќе ама тешко да се најде добро кратко. Друго с'е е неуспешен експеримент. Кафе со овошје?!? Ма дај... Како пиците со јајца и млеко во тестото или карбонарата со павлака :(

    ReplyDelete
  2. aiii
    u IL CAFE DI ROMA gi praat najvkusnite kafinja!

    ReplyDelete
  3. Ova e postaro, ama sega vo Caramelo definitivno gi ima najvkusnite kafinja! Eve dzirnete http://caramelo.mk :))

    ReplyDelete